Milli Məclisin deputatı Novruzəli Aslanov 13 fevral tarixində İsmayıllıda növbəti dəfə vətəndaşları qəbul edib. Qeyd edək ki, millət vəkilinin hər həftə keçirdiyi belə görüşlər artıq ənənəvi hal alıb.

GuNXeBeR.Az xəbər verir ki, fevralın 13-də keçirilən görüş deputatın İsmayıllı şəhərində yerləşən ofisində baş tutub. Görüşdə şəhər sakinləri, o cümlədən şəhid ailələri və qazilər də iştirak ediblər. Görüş zamanı sakinlərin müraciətləri daha çox sosial-məişət məsələləri, eləcə də əmək məşğulluğu və digər şəxsi məsələlərlə bağlı olub. Novruz Aslan qəbul zamanı vətəndaşlar tərəfindən qaldırılan sosial yönümlü məsələləri və şəxsi müraciətləri qeydə alaraq onların həlli məqsədilə müvafiq addımların atılacağını bildirib.

Deputat Novruzəli Aslanovun keçirdiyi qəbulda iştirak edən İsmayıllı şəhər sakinləri və rayon ictimaiyyətinin nümayəndələri Ölkə Prezidenti cənab İlham Əliyevə və Birinci vitse-prezident Mehriban xanım Əliyevaya göstərilən diqqət və qayğıya görə minnətdarlıqlarını bildiriblər.