Bakı şəhərinin Nərimanov rayonunda mənzildə meyit aşkarlanıb.

Fövqəladə Hallar Nazirliyinin Mətbuat xidmətindən GunxeberAz-a verilən məlumata görə, “112” qaynar telefon xəttinə Bakı şəhərinin Nərimanov rayonunda bir nəfərin mənzildə bağlı qapı arxasında köməksiz vəziyyətdə qalması barədə məlumat daxil olub.

Nazirliyin Xüsusi Riskli Xilasetmə Xidmətinin müvafiq xilasetmə qüvvələri çağırış üzrə cəlb olunublar.

Həyata keçirilən tədbirlər nəticəsində mənzildə tapılan bir nəfərin meyiti aidiyyəti üzrə təhvil verilib.