Baş Narkotiklərlə Mübarizə İdarəsinin əməkdaşları tərəfindən paytaxtın Xətai və Binəqədi rayonlarında həyata keçirilmiş əməliyyat tədbirləri zamanı növbəti narkotik cinayəti ifşa edilib.

Gunxeber.Az-ın məlumatına görə saxlanılan 2 şəxsin yaşadığı mənzil və istifadə etdikləri avtomobildə aparılan axtarış nəticəsində 15,5 kiloqrama yaxın tərkibinə zərərli maddələr qatılmış marixuana və narkotik satışında istifadə olunan elektron tərəzilər aşkarlanaraq maddi sübut kimi götürülüb.

Bu cür əməliyyatlar narkotiklərin qanunsuz dövriyyəsinə qarşı mübarizədə hüquq-mühafizə orqanlarının qətiyyətini və vətəndaş cəmiyyətinin təhlükəsizliyinin təminindəki vacib rolunu bir daha təsdiqləyir.

Narkotiklə mübarizə hər birimizin borcudur!
Unutmayaq: Susmaq təhlükəni artırır!
Şübhəli hallarla bağlı dərhal DİN-in “102” xidmətinə məlumat verin!