Bakıda yaşayış binasında baş verən yanğın nəticəsində üç nəfərə yerində ilkin tibbi yardım olunub.

Bu barədə Gunxeber.Az-a Respublika Təcili və Təxirəsalınmaz Tibbi Yardım Mərkəzindən məlumat verilib.

Bildirilib ki, fevralın 11-i saat 11:50-də Respublika Təcili və Təxirəsalınmaz Tibbi Yardım Mərkəzinə Xətai rayonu, Cavanşir küçəsindən yanğın baş verməsi səbəbi ilə çağırış qeydə alınıb:

“Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən üç nəfərə yerində ilkin tibbi yardım olunub”.

Xatırladaq ki, bu gün Xətai rayonu, Cavanşir küçəsində beşmərtəbəli yaşayış binasının üçüncü mərtəbəsində yanğın baş verib və qısa müddətdə söndürülüb.