Ağsuda Ümummilli lider Heydər Əliyevin anadan olmasının 102-ci ildönümünə həsr olunmuş məktəbli oğlanlar arasında futzal idman növü üzrə rayon turniri keçirilib

Ağsu şəhər 3 nömrəli tam orta məktəbin idman zalında Ümummilli lider Heydər Əliyevin anadan olmasının 102-ci ildönümünə həsr olunmuş məktəbli oğlanlar arasında futzal idman növü üzrə rayon turniri keçirildi.

Dağlıq Şirvan Regional Gənclər və İdman İdarəsinin Ağsu rayonu üzrə gənclər və idman sektorunun və Ağsu rayon Uşaq-Gənclər İdman-Şahmat Məktəbinin birgə təşkilatçılığı ilə baş tutan turnirin açılış mərasimində Ulu Öndər Heydər Əliyevin əziz xatirəsi bir dəqiqəlik sükutla yad edildi, daha sonra iştirakçılara turnirin qaydaları izah olundu.

Gərgin idman mübarizəsi şəraitində keçən turnir aşağıdakı kimi nəticələndi:

1. Ağsu şəhər 3 nömrəli tam orta məktəbin komandası,

2. Ağsu şəhər A.Nadirov adına 1 nömrəli məktəb-liseyin komandası,

3. Ağsu rayon M.İsmiyev adına Ərəbuşağı kənd tam orta məktəbin komandası.

Sonda qaliblər Dağlıq Şirvan Regional Gənclər və İdman İdarəsinin kubok və diplomları ilə mükafatlandırıldı.