Mikayıl Cabbarov: “İlkin olaraq koronavirusdan zərər çəkən 12 sahə müəyyən edilib”

Mikayıl Cabbarov: “İlkin olaraq koronavirusdan zərər çəkən 12 sahə müəyyən edilib”


Koronavirus (COVID-19) pandemiyasının, həmçinin, dünya enerji və səhm bazarlarında baş verən kəskin dalğalanmaların milli iqtisadiyyata mənfi təsirlərinin qiymətləndirilməsi, pandemiyadan zərər çəkməsi ehtimal olunan iqtisadi fəaliyyət sahələrinin müəyyən edilməsi, yaranmış vəziyyətin yaxın və orta müddətlərdə ölkənin biznes mühitinə mənfi təsirinin azaldılması məqsədilə müvafiq təkliflərin hazırlanması üçün yaradılmış İşçi Qrupun iclası keçirilib. İclas videokonfrans formatında aparılıb.
İqtisadiyyat Nazirliyinin mətbuat xidmətindən bildirilib ki, İşçi Qrupun rəhbəri, nazir Mikayıl Cabbarov pandemiyanın qarşısının alınması istiqamətində Azərbaycan Respublikasının Prezidenti İlham Əliyevin rəhbərliyi ilə həyata keçirilən təxirəsalınmaz tədbirlər barədə məlumat verib.
Nazir qeyd edib ki, yaranmış şəraitdə milli iqtisadiyyata bir sıra faktorlar təsir edir. Bu, pandemiyanın bilavasitə təsiri altında dünya iqtisadiyyatında və xarici ticarət əlaqələrində müşahidə olunan durğunluq, dünya enerji bazarlarında neftin qiymətlərində kəskin dalğalanmalar, həmçinin, pandemiyanın yayılmasının qarşısının alınması məqsədilə həyata keçirilən məhdudlaşdırıcı tədbirlərlə bağlı iqtisadi fəallığın azalmasıdır. Bütün bu amillər bir sıra iqtisadi fəaliyyət sahələrində özünü daha qabarıq göstərir.

Nazir Mikayıl Cabbarov mövcud şəraitdə pandemiyadan ən çox zərər çəkən fəaliyyət sahələrinin, o cümlədən, iqtisadi artımı və məşğulluğu formalaşdıran əsas sahələrin müəyyənləşdirilməsi, ölkənin iqtisadi və maliyyə dayanıqlığının gücləndirilməsi, dövlət tərəfindən atıla biləcək addımların və dəstək tədbirlərinin istiqamətlərinin dəqiqləşdirilməsi üçün qısa müddət ərzində İşçi Qrupun intensiv və böyük həcmdə iş aparmalı olduğunu diqqətə çatdırıb.

İlkin mərhələdə ən çox mənfi təsirə məruz qalan turizm, hotelçilik, ictimai iaşə, əyləncə, nəqliyyat, ticarət və s. kimi, ümumilikdə, təxminən 12 fəaliyyət sahəsi müəyyən edilib.

İqtisadiyyat naziri vurğulayıb ki, dövlət çevik və operativ qərarlar qəbul etməyə hazırdır. Bununla belə, zərər çəkən fəaliyyət sahələrinin dəqiq müəyyən edilməsi üçün, ilk növbədə, aydın və şəffaf qiymətləndirmə meyarları hazırlanmalıdır. Bu meyarlar həm sahəvi, həm də subyektlər üzrə ümumi və spesifik xarakter daşıya bilər.

Videokonfransda ayrı-ayrı sahələrdə yaranmış vəziyyət müzakirə edilib, müxtəlif təkliflər səsləndirilib. Qeyd olunub ki, dəymiş zərərin qiymətləndirilməsi üçün sahibkarlıq subyektlərinin hesabatları və dövlət qurumlarında olan göstəricilərin dərin təhlilinə zərurət var.

Bu, həmçinin, mart ayı üzrə təqdim olunacaq maliyyə hesabatlarının təhlili ilə müəyyən ediləcək. Hazırda İqtisadiyyat Nazirliyinin bütün strukturları biznes subyektləri, orta və iri biznes, sahibkarların ictimai birlikləri və ixtisaslaşmış assosiasiyalarla görüşlər keçirir.
Müzakirələrdə bildirilib ki, Azərbaycan hökuməti dəstək tədbirlərinin müəyyən edilməsi zamanı, həmçinin, yaranmış şəraitdə dövlətin çağırışlarına adekvat cavab verən, iş yerlərinin və əməkhaqqı fondunun azalmasına yol verməyən, fəaliyyətini şəffaf quran və sosial məsuliyyət nümayiş etdirən hüquqi şəxslərə və sahibkarlara üstünlük verəcək.

Ölkədə iqtisadi artımın davam etməsinə dəstək göstərilməsi kompleks tədbirlər sistemini əhatə edəcək. Bu, iqtisadiyyatda likvidliyin təmin edilməsi, sahibkarlara vergi güzəştləri və tətillərinin verilməsi, dövlət kreditləşdirmə resurslarının əlçatanlığının asanlaşdırılması, maliyyə bazarlarının sabitliyinin qorunması, ünvanlı dövlət sifarişləri sisteminin tətbiqi və s. kimi istiqamətləri əhatə edəcək.

İclasda qeyd olunub ki, dövlət ölkə vətəndaşlarının sağlamlığının qorunması, əhalinin təhlükəsizliyinin təmin edilməsi məqsədilə qısa müddətdə iqtisadiyyatın daralmasına səbəb ola biləcək iqtisadi aktivliyin azaldılması kimi məcburi addımlara gedəcək.

Dövlət bu prosesi qarşılamağa hazırdır və yaranmış şəraiti, həmçinin, pandemiyanın yayılmasının qarşısının alınmasından sonra iqtisadiyyatın yeni bir inkişaf xətti olaraq görməkdədir. Daxili tələbatı ödəyən və xarici idxalı əvəzləyən istehsal və emal sahələrinin, bu istiqamətlərdə yeni istehsalın qurulması təşviq ediləcək.

İşçi Qrupun üzvlərinə zərər çəkən sahələrin müəyyən edilməsi üçün üç gün ərzində zəruri meyarlara və tətbiq ediləcək vahid yanaşma metodikasına dair təkliflərin hazırlanması tapşırılıb.

Qeyd edək ki, İşçi Qrupun üzvləri sırasına Maliyyə, Əmək və Əhalinin Sosial Müdafiəsi, Kənd Təsərrüfatı, Mədəniyyət, Energetika, Nəqliyyat, Rabitə və Yüksək Texnologiyalar, Ekologiya və Təbii Sərvətlər nazirlərinin müavinləri, Qida Təhlükəsizliyi Agentliyi, Dövlət Turizm Agentliyi, Dövlət Gömrük Komitəsi, Dövlət Statistika Komitəsi, Mərkəzi Bank və digər mərkəzi icra hakimiyyəti orqanlarının rəhbər şəxsləri və sahibkarların ictimai birliklərinin nümayəndələri daxildir.




Fikirlər

  • ARAŞDIRMA

    Mehriban Əliyevadan xalqa çağırış — “Yaranmış fövqəladə vəziyyət ümummilli səfərbərlik tələb edir”
    Mehriban Əliyevadan xalqa çağırış — “Yaranmış fövqəladə vəziyyət ümummilli səfərbərlik tələb edir”
    İlham Əliyev bu ASC-yə vəsait ayırdı — SƏRƏNCAM
    İlham Əliyev bu ASC-yə vəsait ayırdı — SƏRƏNCAM
    Prezident:
    Prezident: "Kimsə hansısa tanışlara, qohumlara, vəzifədə olan dostlara arxalanırsa səhv yoldadır"
    İlham Əliyev Mikayıl Cabbarovu qəbul etdi — YENİLƏNİB + FOTO/VİDEO
    İlham Əliyev Mikayıl Cabbarovu qəbul etdi — YENİLƏNİB + FOTO/VİDEO
  • ƏN ÇOX OXUNAN

    ŞAD XƏBƏR: Əhaliyə elektrik enerjisi ilə bağlı gözlənilən QƏRAR VERİLDİ
    ŞAD XƏBƏR: Əhaliyə elektrik enerjisi ilə bağlı gözlənilən QƏRAR VERİLDİ
    SON DƏQİQƏ! Əhaliyə ediləcək köməklə bağlı Nazirlik siyahını AÇIQLADI
    SON DƏQİQƏ! Əhaliyə ediləcək köməklə bağlı Nazirlik siyahını AÇIQLADI
    Mehriban Əliyevadan xalqa çağırış — “Yaranmış fövqəladə vəziyyət ümummilli səfərbərlik tələb edir”
    Mehriban Əliyevadan xalqa çağırış — “Yaranmış fövqəladə vəziyyət ümummilli səfərbərlik tələb edir”
    İlham Əliyev bu ASC-yə vəsait ayırdı — SƏRƏNCAM
    İlham Əliyev bu ASC-yə vəsait ayırdı — SƏRƏNCAM
    Məktəblər sentyabrın 15-nə qədər təxirə salınır? — RƏSMİ AÇIQLAMA
    Məktəblər sentyabrın 15-nə qədər təxirə salınır? — RƏSMİ AÇIQLAMA
    Sahibə Qafarovaya yeni köməkçi təyin edildi
    Sahibə Qafarovaya yeni köməkçi təyin edildi
    “Kurtlar vadisi”nin məşhur aktyoru koronavirusdan öldü
    “Kurtlar vadisi”nin məşhur aktyoru koronavirusdan öldü
    "WhatsApp"da gələn "6 GB pulsuz internet" mesajı ilə bağlı — RƏSMİ AÇIQLAMA
    Bu gün hava necə olacaq? — PROQNOZ
    Bu gün hava necə olacaq? — PROQNOZ
    SON DƏQİQƏ! Bakı metrosu bu tarixədək bağlandı
    SON DƏQİQƏ! Bakı metrosu bu tarixədək bağlandı
    Prezident:
    Prezident: "Kimsə hansısa tanışlara, qohumlara, vəzifədə olan dostlara arxalanırsa səhv yoldadır"
    SON DƏQİQƏ! Dövlət koronovirusa görə tələbələrə də pul verəcək — RƏSMİ
    SON DƏQİQƏ! Dövlət koronovirusa görə tələbələrə də pul verəcək — RƏSMİ
    İlham Əliyev Mikayıl Cabbarovu qəbul etdi — YENİLƏNİB + FOTO/VİDEO
    İlham Əliyev Mikayıl Cabbarovu qəbul etdi — YENİLƏNİB + FOTO/VİDEO
    Daha bir rayonda koronavirus TAPILDI — SON DƏQİDƏ
    Daha bir rayonda koronavirus TAPILDI — SON DƏQİDƏ
    Karantin rejimi nədir və hansı hallarda tətbiq olunur? — Azərbaycan nümunəsi və beynəlxalq təcrübə
    Karantin rejimi nədir və hansı hallarda tətbiq olunur? — Azərbaycan nümunəsi və beynəlxalq təcrübə
  • «    Aprel 2020    »
    BeÇaÇCaCŞB
     12345
    6789101112
    13141516171819
    20212223242526
    27282930