Neftçalada 6 yüksək vəzifəli şəxs TUTULDU — RƏSMİ AÇIQLAMA

Neftçalada 6 yüksək vəzifəli şəxs TUTULDU — RƏSMİ AÇIQLAMA


Dövlət Təhlükəsizliyi Xidməti (DTX) açıqlama yayıb.
Açıqlamada deyilir:

"Azərbaycan Respublikasının yerli icra hakimiyyəti orqanlarının vəzifəli şəxsləri tərəfindən vətəndaşların hüquqlarına, dövlətin qanunla qorunan mənafelərinə zərər vuran, dövlət orqanlarının fəaliyyətinə kölgə salan qanunsuz əməllərə yol verilməsinə dair məlumatlar əsasında kompleks araşdırma tədbirləri həyata keçirilməkdədir.

Bu tədbirlərin davamı kimi Neftçala Rayon İcra Hakimiyyətinin vəzifəli şəxslərinin səlahiyyətlərindən qulluq mənafeyinə qəsdən zidd olaraq istifadə edib vətəndaşların hüquqlarına, cəmiyyətin və dövlətin qanunla qorunan mənafelərinə mühüm zərər vuran çoxsaylı cinayət əməllərinə yol vermələrinə dair məlumatlar əsasında kompleks araşdırma tədbirləri başlanılmışdır.

Toplanılmış materiallarla rayon İcra Hakimiyyətinin başçısı İsmayıl Vəliyevin mütəmadi olaraq vəzifə səlahiyyətlərindən sui-istifadə edib təhsil, səhiyyə və digər yerli dövlət təsisatları rəhbərlərindən müxtəlif adlar altında şəxsən pul vəsaitləri tələb edərək almasına əsaslı şübhələr müəyyən olunmuşdur.

Həmçinin, İsmayıl Vəliyevin şəxsən, habelə icra hakimiyyəti başçısının birinci müavini Vurğun Əkbərov, Memarlıq və tikinti şöbəsinin müdiri Vüqar Nağıyev, tabeçiliyində olan digər vəzifəli şəxslər vasitəsi ilə rayon ərazisində fərdi sahibkarlıq fəaliyyəti ilə məşğul olan şəxslərdən müxtəlif adlar altında pul vəsaitləri tələb edərək almasına əsaslı şübhələr müəyyən edilmişdir.
İsmayıl Vəliyevin, Vurğun Əkbərovun, icra başçısının müavini Gültəkin Sadıqovanın, Ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərovun xidməti otaqlarına məhkəmənin qərarı əsasında keçirilən baxış zamanı müxtəlif yerli icra hakimiyyəti və digər yerli dövlət orqanlarının vəzifəli şəxslərindən, sahibkarlıq fəaliyyəti ilə məşğul olan şəxslərdən alınmış vəsaitlərin öz əlyazmaları ilə tərtib olunmuş siyahıları, külli miqdarda pul vəsaitləri, sənədlər və iş üzrə əhəmiyyət kəsb edən digər dəlillər aşkar edilərək götürülmüşdür.

Aparılan araşdırmalarla İsmayıl Vəliyev tərəfindən təmir-tikinti, abadlıq işlərinə ayrılan dövlət vəsaitlərinin müəyyən hissəsinin nağdlaşdırılaraq mənimsənildiyi, vəzifə səlahiyyətlərindən sui-istifadə edilməklə rayon ərazisində torpaq sahələrinin özbaşına tutulduğu, qanunsuz olaraq şəxsi məqsədlər üçün istifadə edildiyinə, həmin ərazilərdə qanunsuz tikinti işləri aparıldığına əsaslı şübhələr müəyyən edilmişdir.

İstintaq araşdırmaları ilə həmçinin, dövlət qayğısı ilə əhatə olunmuş işsiz və aztəminatlı vətəndaşların ictimai işlərə cəlb edilərək aylıq qazanc əldə edə bilmələri üçün onlara məxsus əməkhaqqı kartlarının İsmayıl Vəliyev tərəfindən müxtəlif adlar altında ələ keçirilməsinə əsaslı şübhələr müəyyən edilmişdir.

Qeyd olunan vəzifə səlahiyyətlərindən sui-istifadə faktlarının təhsil, səhiyyə və digər yerli dövlət orqan və müəssisələrində davamlı korrupsiya əməllərinin törədilməsinə yol açdığı təsbit edilmişdir.

Cinayət işləri üzrə İsmayıl Vəliyev vəzifə səlahiyyətlərindən sui-istifadə etmə, külli miqdarda təkrar rüşvət alma, mənimsəmə faktlarına görə, Vurğun Əkbərov, Anar Cəfərov, Vüqar Nağıyev, rayon Mərkəzi Xəstəxanasının baş həkimi Telman Zahidov, rayon Təhsil şöbəsinin müdiri Əjdər Kərimov və digərləri rüşvət alma və rüşvət vermə ilə bağlı faktlara görə Cinayət Məcəlləsinin müvafiq maddələri ilə şübhəli şəxs qismində saxlanılmışlar.

Hazırda cinayət işi üzrə bütün halların tam, hərtərəfli araşdırılmaqla təqsirli şəxslərin dairəsinin müəyyənləşdirilərək istintaqa cəlb olunması istiqamətində zəruri istintaq-əməliyyat tədbirləri davam etdirilir".




Fikirlər

  • ARAŞDIRMA

    “Ondan-bundan dilənə-dilənə, güc-bəla ilə yaşayırlar” — İlham Əliyev
    “Ondan-bundan dilənə-dilənə, güc-bəla ilə yaşayırlar” — İlham Əliyev
    Prezident icra başçısına irad BİLDİRDİ —
    Prezident icra başçısına irad BİLDİRDİ — "Bunu pozun"
    İlham Əliyev Ağcabədidə — FOTO / YENİLƏNİB
    İlham Əliyev Ağcabədidə — FOTO / YENİLƏNİB
    İlham Əliyev açılışa maska ilə qatıldı — FOTO
    İlham Əliyev açılışa maska ilə qatıldı — FOTO
  • ƏN ÇOX OXUNAN

    Azərbaycanda daha bir qurumun əməkdaşları koronavirusa yoluxdu
    Azərbaycanda daha bir qurumun əməkdaşları koronavirusa yoluxdu
    Azərbaycanda vəzifəli şəxs koronavirusa yoluxdu — SON DƏQİQƏ
    Azərbaycanda vəzifəli şəxs koronavirusa yoluxdu — SON DƏQİQƏ
    Həftə sonları yalnız bu şəxslərin işləməsinə İCAZƏ VERİLƏCƏK — RƏSMİ AÇIQLAMA - FOTO
    Həftə sonları yalnız bu şəxslərin işləməsinə İCAZƏ VERİLƏCƏK — RƏSMİ AÇIQLAMA - FOTO
    Azərbaycanda beş yeni lisey yaradıldı — RƏSMİ
    Azərbaycanda beş yeni lisey yaradıldı — RƏSMİ
    Göyçayda iki uşaq atası özünü körpüdən ataraq intihar etdi
    Göyçayda iki uşaq atası özünü körpüdən ataraq intihar etdi
    Devalvasiya olacaqmı? — AÇIQLAMA
    Devalvasiya olacaqmı? — AÇIQLAMA
    İki ay ərzində küçəyə çıxma qadağası təklif edilib — RƏSMİ
    İki ay ərzində küçəyə çıxma qadağası təklif edilib — RƏSMİ
    Sumqayıtda bu xəstəxana bundan sonra artıq koronavirus xəstələrinə xidmət göstərəcək
    Sumqayıtda bu xəstəxana bundan sonra artıq koronavirus xəstələrinə xidmət göstərəcək
    Bakıda avtobus partladı — VİDEO
    Bakıda avtobus partladı — VİDEO
    İstirahət olmayacaq, rayonlara gediş isə... — VİDEO
    İstirahət olmayacaq, rayonlara gediş isə... — VİDEO
    Kamran Əliyevin işdən çıxardığı kürəkəninə DTX-də vəzifə verildi
    Kamran Əliyevin işdən çıxardığı kürəkəninə DTX-də vəzifə verildi
    Rayonlara gediş-gəlişin bərpası ilə bağlı — MÜHÜM AÇIQLAMA
    Rayonlara gediş-gəlişin bərpası ilə bağlı — MÜHÜM AÇIQLAMA
    Bu şəxslərin İŞ SAATLARI QISALDILIR — Operativ Qərargah AÇIQLADI
    Bu şəxslərin İŞ SAATLARI QISALDILIR — Operativ Qərargah AÇIQLADI
    Mediaya da məhdudiyyət qoyulacaq — RƏSMİ
    Mediaya da məhdudiyyət qoyulacaq — RƏSMİ
    “Ondan-bundan dilənə-dilənə, güc-bəla ilə yaşayırlar” — İlham Əliyev
    “Ondan-bundan dilənə-dilənə, güc-bəla ilə yaşayırlar” — İlham Əliyev
  • «    İyun 2020    »
    BeÇaÇCaCŞB
    1234567
    891011121314
    15161718192021
    22232425262728
    2930