Sərt karantinin olduğu bütün yerlərdə SMS-icazə belə alınacaq - Video

Sərt karantinin olduğu bütün yerlərdə SMS-icazə belə alınacaq - Video


Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan Elektron Hökumətin İnkişafı Mərkəzi və Daxili İşlər Nazirliyinin birgə ərsəyə gətirdiyi 8103 SMS icazə sistemi 2020-ci il 5 iyul saat 06:00-dan 20 iyul saat 06:00-dək Mingəçevir, Goranboy və Göygöl şəhərləri, Bərdə, Samux, Siyəzən, Şəki və Xaçmaz rayonları daxil olmaqla, Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərində və Abşeron rayonunun ərazisində fəaliyyətini davam etdirəcək.

"ASAN Xidmət"dən daxil olan məlumata görə, evdən çıxmaq istədiklərinə dair icazə əldə etmək üçün vətəndaşlar mobil nömrədən icazənin məqsədini bildirən xüsusi kodu və şəxsiyyət vəsiqəsinin seriya və nömrəsini SMS-lə 8103 qısa nömrəsinə göndərirlər.

İcazələrin məqsədinə dair 2 kod təyin edilib:

1 nömrəli kod təxirəsalınmaz tibbi zərurətlə və hər hansı bir qrafik üzrə müalicə almaqla əlaqədardır. İcazə rayon və şəhər daxilində 2 saat müddətinə verilir. Müalicə prosedurunun müddəti uzanarsa geri qayıtma müddəti həkim tərəfindən verilən arayışla müəyyən edilir.

2 nömrəli kod ərzaq və digər gündəlik tələbat mallarının, dərman vasitələrinin alınması, dövlət xidmətlərinin, bank, poçt və fəaliyyətinin davam etdirilməsinə icazə verilən iş və xidmət sahələrində göstərilən digər xidmətlərdən istifadə edilməsi zərurəti, həmçinin açıq havada vaxtın keçirilməsi ilə əlaqədar yaşayış yerini və olduğu yeri tərk etmək üçün nəzərdə tutulub. İcazə 2 saat müddətinə gündə 1 dəfə verilir.

Belə ki, nümunə olaraq 2 nömrəli kod üzrə yaşayış yerini tərk etməyə dair icazə əldə etmək üçün Azərbaycan Respublikasının vətəndaşları 2 kodunu, şəxsiyyət vəsiqəsinin seriyasını və nömrəsini SMS vasitəsilə 8103 qısa nömrəsinə göndərməlidirlər.

Azərbaycan Respublikasında müvəqqəti və ya daimi yaşayan əcnəbilər və ya vətəndaşlığı olmayan şəxslər, həmçinin Azərbaycan Respublikası ərazisində müvəqqəti olma müddəti uzadılmış əcnəbilər və ya vətəndaşlığı olmayan şəxslər icazə kodunu, şəxsiyyəti təsdiq edən sənədin seriya və nömrəsini 8103 nömrəsinə göndərməklə icazə əldə edə bilərlər.

Müvafiq indeks üzrə yaşayış yerini fərdi nəqliyyat vasitəsi ilə tərk etdikdə vətəndaşlara şəxsiyyət vəsiqəsinin seriya və nömrəsi ilə yanaşı, həmin SMS mətninə nəqliyyat vasitəsinin dövlət qeydiyyat nişanını da əlavə etmələri tövsiyə olunur. Bu zaman nəqliyyat vasitəsinin icazəsinin olub-olmaması Daxili İşlər Nazirliyi tərəfindən xüsusi texniki vasitələrlə avtomatik formada yoxlanılacaqdır. SMS mətni nümunədə göstərildiyi şəkildə formalaşdırılmalıdır. İcazə indeksi, boşluq, şəxsiyyət vəsiqəsinin seriyası və nömrəsi, boşluq, nəqliyyat vasitəsinin dövlət qeydiyyat nişanı. SMS mətninin düzgün formalaşdırılması üçün boşluqlardan qeyd olunan şəkildə istifadə etmək mütləqdir. Həmçinin xarici, tranzit, səfirlik və.s dövlət qeydiyyat nişanları olan nəqliyyat vasitələri üçün də eyni qaydada icazə əldə etmək mümkündür.

Vətəndaşlar yaşayış yerini yalnız müsbət cavab aldıqdan sonra tərk edə bilərlər. Vətəndaşların müraciətinə gələn cavab SMS-ində icazənin qüvvədə olduğu müddət göstərilir.

8103 SMS icazə sistemi üzərindən müvafiq kodlar üzrə icazə alarkən cavab mesajında şəxsiyyət vəsiqəsinin seriya və nömrəsi də əks olunur. Bu eyni nömrədən müxtəlif vəsiqə üzrə icazə alan vətəndaşlar arasında çaşqınlıq hallarının yaranmaması, hansı vəsiqə üzrə icazənin verildiyini dəqiq müəyyən etməkdə kömək edir.

Yaxın qohumun dəfnində iştirak üçün vətəndaşlar Daxili İşlər Nazirliyinin 102 qaynar xətti ilə əlaqə saxlamalıdırlar.

Həyat və sağlamlığa bilavasitə təhlükəli vəziyyət yarandıqda yaşayış yerini tərk etmək üçün SMS icazənin alınması tələb olunmur. Həmçinin şəxslər məhkəməyə və ya hüquq mühafizə orqanlarına çağırıldıqda SMS göndərilmədən yaşayış yerini tərk edirlər.

Daxili İşlər Nazirliyinin əməkdaşlarının yoxlamaları zamanı müəyyən edilmiş hərəkət məhdudiyyətlərinin tətbiqi qaydalarının pozulmasına görə fiziki, hüquqi və vəzifəli şəxslər Azərbaycan Respublikasının İnzibati Xətalar və Cinayət məcəllələrində nəzərdə tutulmuş qaydada məsuliyyət daşıyırlar.

Vətəndaşlar SMS icazə sistemindən istifadə qaydaları və SMS göndərilməsi ilə bağlı yaranan suallarla əlaqədar “ASAN xidmət”in 9108 Çağrı Mərkəzinə müraciət edə bilərlər.




Fikirlər

  • ARAŞDIRMA

    Dövlət şirkətləri ilə bağlı islahatlara başlanıldı - Fərman
    Dövlət şirkətləri ilə bağlı islahatlara başlanıldı - Fərman
    Prezident 1 milyon ayırdı
    Prezident 1 milyon ayırdı
    “Vaxtında bu addımları atmasaydıq, faciəvi vəziyyətlə üz-üzə qala bilərdik”
    “Vaxtında bu addımları atmasaydıq, faciəvi vəziyyətlə üz-üzə qala bilərdik”
    Prezident koronavirusla mübarizə ilə bağlı müşavirə keçirdi
    Prezident koronavirusla mübarizə ilə bağlı müşavirə keçirdi
  • ƏN ÇOX OXUNAN

    Sahibkarlara 250 manat ödəniləcək — Nazir müavini
    Sahibkarlara 250 manat ödəniləcək — Nazir müavini
    Prezidentin köməkçisindən məktəblərin açılması ilə bağlı — VACİB AÇIQLAMA
    Prezidentin köməkçisindən məktəblərin açılması ilə bağlı — VACİB AÇIQLAMA
    Nazir DYP-nin rəisini işdən çıxardı — Yeni təyinat
    Nazir DYP-nin rəisini işdən çıxardı — Yeni təyinat
    Yas mərasimləri ilə bağlı yeni qayda müəyyənləşdi
    Yas mərasimləri ilə bağlı yeni qayda müəyyənləşdi
    Kafe və restoranların fəaliyyətinə nə vaxt icazə veriləcəyi açıqlandı
    Kafe və restoranların fəaliyyətinə nə vaxt icazə veriləcəyi açıqlandı
    Prezidentin köməkçisindən karantin rejiminin yenidən sərtləşdirilməsi ilə bağlı — VACİB AÇIQLAMA
    Prezidentin köməkçisindən karantin rejiminin yenidən sərtləşdirilməsi ilə bağlı — VACİB AÇIQLAMA
    Nazir müavini: “Toylarla bağlı qərar müəyyən dövrdən sonra veriləcək”
    Nazir müavini: “Toylarla bağlı qərar müəyyən dövrdən sonra veriləcək”
    TƏBİB rəsmisindən karantinlə bağlı sevindirən açıqlama —
    TƏBİB rəsmisindən karantinlə bağlı sevindirən açıqlama — "Payıza qədər..."
    TƏBİB: “Karantin rejimindən yorulmuşuq”
    TƏBİB: “Karantin rejimindən yorulmuşuq”
    Rayonlara gediş-gəlişin bərpa oluna biləcəyi tarix açıqlandı — RƏSMİ
    Rayonlara gediş-gəlişin bərpa oluna biləcəyi tarix açıqlandı — RƏSMİ
    Operativ Qərargah brifinq keçirir — CANLI YAYIM
    Operativ Qərargah brifinq keçirir — CANLI YAYIM
    Azərbaycanda zəlzələ oldu
    Azərbaycanda zəlzələ oldu
    "Bu şərtlər uzun müddət ləğv edilməyəcək" — Mirşahin
    Pensiyaların miqdarı artırılır — RƏSMİ AÇIQLAMA
    Pensiyaların miqdarı artırılır — RƏSMİ AÇIQLAMA
    Dövlət şirkətlərinə necə nəzarət ediləcək? - Nizamnamə
    Dövlət şirkətlərinə necə nəzarət ediləcək? - Nizamnamə
  • «    Avqust 2020    »
    BeÇaÇCaCŞB
     12
    3456789
    10111213141516
    17181920212223
    24252627282930
    31